Afrakstur síðustu daga kominn upp á vegg og ég bara þokkalega sátt, þetta er allavega í áttina að því sem ég var að leita að. Búin að uppfæra myndirnar af íbúðinni minni þar sem má sjá hvernig þetta kemur út í heildina.
Og að allt öðru og alls óskyldu. Er að horfa á mjög átakanlega þátt þar sem foreldrar og aðstandendur bandarískra hermanna sem látist hafa í írak lesa nokkur af síðustu bréfum sem þeim bárust frá sonum sínum og dætrum. Þetta er svo fjarlægt manni og ég þakka fyrir að á Íslandi er ekki her þannig að við þurfum í fæstum tilvikum að ganga í gegnum það sem þetta fólk hefur gengið í gegnum. Í mörgum tilfellum eru þetta bara krakkar, 18, 19 og 20 ára. Þegar maður sér svona þætti skilur maður ekki hvernig er hægt að réttlæta þetta allt saman.
RSS Feed (xml)
Engin ummæli:
Skrifa ummæli